Бидний тухай

“Номин Холдинг” ХХК нь худалдаа, үйлчилгээний чиглэлийн 25 жилийн үйл ажиллагааны туршлагатай,  Монголд анх удаа өөртөө үйлчлэх супермаркетын сүлжээ дэлгүүрүүдийг бий болгосон арвин туршлагаа улам боловсронгуй болгон хөгжүүлж  2007 онд бүтцийн өөрчлөлт хийснээр Борлуулалт Үйлчилгээний Салбар буюу  “Номин Тав Трейд” хязгаарлагдмал хувьцаат компани үүсгэн байгуулагдсан билээ. 

2017 оны байдлаар жижиглэн болон бөөний худалдаа, үйлчилгээний чиглэлээр нийслэл болон орон нутагт 3 их дэлгүүр, 10 бөөний төв, 7 хайпермаркет, 10 супермаркеттайгаар үйл ажиллагаа явуулж байна. 125 000 м2 талбайд үйл ажиллагаа явуулж, өдөрт ойролцоогоор Номингийн сүлжээ дэлгүүрүүдээр  сард 1.2 сая гаруй худалдан авагчдад үйлчилдэг ҮНДЭСНИЙ сүлжээ дэлгүүр болж чадсан билээ. 

Бидний үйлчилгээний гол  зорилго нь хэрэглэгчиддээ чанарын баталгаатай, эрүүл ахуйн  шаардлага хангасан хүнсний болон ахуйн хэрэглээний бараа бүтээгдэхүүнийг үйлчилгээний дээд зэргийн сэтгэл ханамжийн хамтаар хямд үнээр түргэн шуурхай хүргэх явдал юм. Салбарын хэмжээнд 1400 гаруй ажилтантай бөгөөд ажилтнуудынхаа ур чадварыг дээшлүүлэхэд байнга анхааран ажиллаж, ажлын байран дахь сургалтыг тогтмол зохион байгуулдаг.

2016 онд органик тасгийг Номин-ийн бүх салбаруудаар нээж, өөрийн програм хангамжийн албатай хамтран дотоодын санхүүгийн програмуудын сайжруулалтыг эхлүүлсэн нь энэ онд үр шимээ өгсөн төдийгүй 2017 оны 5-р сарын 12-нд олон улсын  ISO  9001, 14001, 18001 стандартуудыг зэрэг хэрэгжүүлсэн, анхны худалдааны сүлжээ дэлгүүр болон батламжиллаа.

Эдийн засаг тогтворгүй байгаа ч 2017 оны 11 сарын байдлаар борлуулалтаа өнгөрсөн оноос 25 хувиар  өсгөж, Хан-Уул дүүрэгт 4300м2, Нарны хороололд 520 м2  талбай бүхий  шинэ дэлгүүрийг нээж нийт  84 хүнийг шинэ ажлын байртай болголоо.

2017 онд ТАТВАР ШИМТГЭЛИЙН ОРЛОГЫГ цаг хугацаанд нь 100% Улсын төсөвт төвлөрүүлэн ажилласаар байгаагаа онцгойлон тэмдэглэж байна.